Reading Time: 2 minutes

कर वाचवण्यासाठी आरोग्य आणि स्वास्थ्याच्या माध्यमांतून कर वजावटी देणारी कलमं-

1. ८० डी-

  • आयकर कायद्याच्या कलम ८० डी अंतर्गत पुढील गोष्टींवर कर-सवलत मिळते-
  • स्वतःच्या, जोडीदाराच्या किंवा आपल्यावर अवलंबून मुलांच्या आणि आई-वडिलांच्या मेडिक्लेम किंवा आरोग्य विम्यासाठी भरले जाणारे हप्ते
  • वय वर्ष ६० च्या खालील व्यक्तींसाठी जास्तीत जास्त रू. २५,००० आणि वय वर्ष ६० वरील व्यक्तींसाठी जास्तीत जास्त रू. ३०,००० इतकी वजावट मिळू शकते.
  • आपल्या पालकांसाठी आरोग्यविमा घेतल्यास रू. २५,००० ची जास्तीची वजावट घेता येऊ शकते. पालकांपैकी कोणी एक ज्येष्ठ नागरिक असल्यास ही वजावट रू.३०,००० इतकी वाढवून मिळते.
  • ही वजावट आई-वडिल तुमच्यावर अवलंबून असले अथवा नसले तरी मिळते.
  • अशी वजावट सासरच्या व्यक्तींसाठी मिळणार नाही.
  • कुटुंबाच्या कोणत्याही व्यक्तीसाठी भरलेल्या हप्त्यावर हिंदू अविभक्त कुटुंब अशा प्रकारची वजावट उचलू शकते.
  • फक्त रोख भरलेल्या रकमेवरच ही वजावट मिळते.

2. ८० डीडी

  • तुमच्यावर अवलंबून असणाऱ्या अपंगत्व असलेल्या व्यक्तीच्या देखभालीची आणि वैद्यकीय खर्चाची वजावट ८० डीडी अंतर्गत मिळते.
  • अशा परिस्थितीत प्रत्यक्ष झालेला खर्च किंवा रू. ७५,००० ह्यापैकी कमी असलेल्या रकमेचा खर्च वजावट म्हणून प्राप्त होतो. (अपवादात्मक गंभीर परिस्थितीत हा खर्च रू. १,२५,००० इतका मान्य होतो.)
  • अवलंबून असणाऱ्या व्यक्तींमध्ये आई-वडिल, जोडीदार, मुले किंवा भावंड यांचा समावेश होतो, परंतू ह्यांपैकी कोणीही वैयक्तिक वजावट मिळवलेली नसावी.
  • गंभीर अपंगत्व म्हणजे ८०% किंवा त्याहीपेक्षा जास्त अंपगत्व.
  • ही वजावट मिळवण्यासाठी राज्य किंवा केंद्र सरकारच्या मेडिकल बोर्डाने सादर केलेले अंपगत्वाचे प्रमाणपत्र असणे गरजेचे आहे.
  • आरोग्य विमा हा करदात्याच्या नावाने असावा आणि लाभार्थी म्हणून अपंग व्यक्तीचे नाव असावे.
  • लाभार्थीचा तुमच्या आधी मृत्यू झाल्यास विम्याच्या मूळ रक्कमेची परतफेड होऊन ते तुमचे उत्पन्न म्हणून धरले जाते आणि करपात्र असते.
  • खालीलपैकी ४०%  किंवा त्यापेक्षा अधिक अपंगत्व असणाऱ्या आजारांचा खर्च वरील नियमांप्रमाणे करमुक्त असेल.

१ .अंधत्व आणि दृष्टीसंबंधित इतर समस्या

२. श्रवण समस्या

३. कुष्ठरोग

४. लोकोमोटर अपंगत्व

५. मानसिक दुर्बलता व आजार

  • पुढीलपैकी एकाच मार्गे ही सवलत प्राप्त करता येईल.

१. वैद्यकीय उपचार, प्रशिक्षणासाठी केलेला खर्च किंवा आपल्यावर अवलंबून असणाऱ्या अपंग व्यक्तीचं पुनर्वसन(नर्सींगचा खर्च धरून)- किंवा

२. तुमचा अकाली मृत्यू झाल्यास तुमच्यावर अवलंबून अपंग व्यक्तीच्या विम्यासाठी भरलेली रक्कम

3. ८० डीडीबी-

  • बजेट २०१८मध्ये या कलमात करण्यात आलेल्या नविन सुधारणांनुसार इथून पुढे या खर्चाची मर्यादा ज्येष्ठ व अतिज्येष्ठ वर्गासाठी एक लाख रूपयांपर्यंत वाढवण्यात आली आहे.
  • अशी वजावट मिळवण्यासाठी पुढील आजार गणनापात्र आहेत-

१.मज्जासंस्थेसंबंधित (न्युरॉलॉजिकल) आजार

२. पार्किन्सन्स आजार

३. घातक (मॅलिग्नंट) कर्करोग

४. एड्स

५. क्रोनिक रेनल फेल्युअर

६. हिमोफिलीया

७. थॅलेसिमीया

4. ८० यू-

  • या कलमाअंतर्गत करदाता काही विशिष्ट अपंगत्व किंवा आजाराशी सामना करत असेल तर तो कर-वजावटीस पात्र होतो.
  • ४० टक्के किंवा त्याहून अधिक अपंगत्वासाठी रू. ७५,००० इतकी तर ८० टक्के व त्यापेक्षा अधिक अपंगत्वासाठी रू. १,२५,००० इतक्या रकमेपर्यंतची कर-वजावट मागता येते.
  • ही वजावट मिळवण्यासाठी न्युरॉलॉजिस्ट किंवा सिव्हिल सर्जन किंवा सरकारी इस्पितळाच्या आरोग्य अधिकाऱ्याने सादर केलेले अंपगत्वाचे प्रमाणपत्र असणे गरजेचे आहे.
  • अशी वजावट मिळवण्यासाठी पुढील आजार गणनापात्र आहेत-

१. अंधत्व आणि इतर नजरदोष

२. कुष्ठरोग

३. श्रवणदोष

४. लोकोमोटर अपंगत्व

५. मानसिक दुर्बलता व आजार

६. ऑटिजम

७. सेरेब्रल पॅल्सी

(चित्र सौजन्य- https://goo.gl/5J7F95 )

Share this article on :
Leave a Reply

Your email address will not be published. Required fields are marked *

You May Also Like

TDS: टीडीएस म्हणजे नक्की काय?

Reading Time: 2 minutes अनेक खर्च एखाद्या देशाच्या सरकारला देशासाठी करायचे असतात. त्यासाठी सरकारच्या तिजोरीत काही पैसे प्रत्यक्ष जमा व्हावे लागतात. त्यासाठी सरकार नागरिकांकडून प्रत्यक्ष-अप्रत्यक्ष कर (Direct-Indirect Taxes) गोळा करत असते. सरकारसाठी/ सरकारच्या अर्थ खात्यासाठी हे कर गोळा करण्याचे काम आयकर खाते (Income Tax Department) करते. टीडीएस (TDS) ही आयकर खात्याने यासाठीच सुरू केलेली एक प्रणाली आहे. हिच्यामुळे सरकारच्या तिजोरीत वेळच्या वेळी कर जमा होतो.  या प्रणालीमुळे प्रत्यक्ष कर गोळा करणे सरकारला सोपे जाते.

आयकर विभागाची नोटीस आली आहे? घाबरू नका, आधी हे वाचा

Reading Time: 4 minutes टॅक्स, टॅक्स रिटर्न हे शब्द जरी ऐकले तरी करदाता काहीसा नाराज होतो. त्यात जर का आयकर विभागाकडून कुठली नोटीस आली तर ही नाराजी भीतीमध्ये बदलते. आयकर विभागाकडून आलेल्या कोणत्याही नोटीसमुळे अथवा पत्रामुळे करदाते घाबरून जातात. तथापि, कलम १४३(१) सूचना म्हणजे काळजी करण्याची गरज नाही. या लेखात आम्ही कलम १४३(१) च्या अंतर्गत पाठविलेल्या सूचनांबद्दल तपशीलवार चर्चा करणार आहोत जेणेकरून करदात्यांना याबद्दलची संपूर्ण माहिती मिळेल.

आयकर खात्याच्या मदतीने आयटीआर फॉर्म भरणे होईल सुलभ

Reading Time: 2 minutes कर भरणाऱ्याला जो आयटीआर फॉर्म लागू होतो त्याची निवड करणे हे फॉर्म…

कलम ८० अंतर्गत करबचतीचे विविध पर्याय

Reading Time: 3 minutes आयकर कायदा १९६१, नुसार कलम ८० मध्ये करबचतीचे विविध पर्याय नमूद करण्यात आले आहेत. मागील भागात कलम ८० सी अंतर्गत नमूदकेलेल्या विविध पर्यायांची माहिती घेतली. या भागात उर्वरित सबसेक्शन अंतर्गत नमूद करण्यात आलेल्या करबचतीचे विविध पर्यायांची माहिती घेऊया.