डिजिटल सोने म्हणजे काय रे भाऊ?

Reading Time: 3 minutes

फिनटेक प्लॅटफॉर्मनंतर ज्वेलर्स डिजिटल सोने खरेदीची ऑफर ग्राहकांना देत आहेत. आपणास सोने खरेदी करण्याच्या या नवीन पद्धतीबद्दल माहिती असायाला हवी. या सोने खरेदीसाठी तुम्ही पारंपारिक, प्रत्यक्ष खरेदीऐवजी पेपरलेस डिजिटल प्लेटफॉर्मवर जाऊ शकता. (Digital Gold in marathi)

सणासुदीच्या हंगामात व इतरही प्रसंगानिमित्ताने आपण सोन्याची खरेदी करण्यासाठी उत्सुक असतो. परंतु आपल्या जीवनातील इतर प्रत्येक पैलूंप्रमाणेच आता सोन्याच्या डिजिटल प्रकारावरही लक्ष केंद्रित होऊ लागले आहे. फिनटेक प्लॅटफॉर्मनंतर ज्वेलर्स देखील डिजिटल गोल्ड ऑफर करत आहेत.

डिजिटल सोने म्हणजे काय?

डिजिटल सोन्याद्वारे तुम्ही डिजिटल स्वरूपात शुद्ध सोन्यात गुंतवणूक करु शकता.
विक्रेता सुरक्षित व्हॉल्टमध्ये समान प्रमाणात भौतिक सोने साठवतो. पेमेंट केल्यानंतर, खरेदीदाराला एक इनव्हॉइस मिळते आणि ती रक्कम तुमच्या सेवा प्रदात्याच्या खात्यातील व्हॉल्ट शिल्लकमध्ये दिसते.
ग्राहक हे सोने कोणत्याही वेळी थेट बाजार दरात रुपये किंवा ग्रॅममध्ये विकू शकतात.
डिजिटल सोन्याच्या खरेदीवर कोणतीही कमाल मर्यादा नाही. मात्र, एकाच दिवसात सोने खरेदी करण्याची कमाल मर्यादा 2 लाख रुपये आहे.

डिजिटल सोने कोण देत आहे?

भारतात, डिजिटल सोने प्रामुख्याने तीन संस्थांद्वारे विकले जाते त्यात MMTC PAMP, Augmont Goldtech आणि Digital Gold India (SafeGold) या कंपन्यांनी त्यांच्या प्लॅटफॉर्मद्वारे डिजिटल सोने विकण्यासाठी PayTM, Google Pay, Amazon Pay आणि PhonePe सारख्या सेवा प्रदात्यांशी करार केला आहे.
अलीकडे तनिष्क, सेन्को आणि कल्याण ज्वेलर्स या सारख्या ज्वेलर्सनीही अशाच प्रकारच्या टाय-अप्सद्वारे डिजिटल गोल्ड ऑफर करण्यास सुरुवात केली आहे.
ग्राहक रिफायनरसोबत थेट किंवा कोणत्याही भागीदार प्लॅटफॉर्मद्वारे डिजिटल गोल्ड खाती उघडू शकतात.

हे ही नक्की वाचा – Electronic Gold Receipts: संगणकीय सुवर्ण पावती

प्रत्यक्ष सोने खरेदी करण्यापेक्षा ते कसे चांगले आहे?

डिजिटल सोने खरेदी सुरक्षित आहे. बँक लॉकरमध्ये न ठेवता सोने ठेवण्याची सुविधा देते. त्यामुळे तुम्हाला स्टोरेज आणि सुरक्षिततेची काळजी करण्याची गरज नाही.
डिजिटल सोन्याची गुंतवणूक प्रमाणित 24 कॅरेट, 999.9 शुद्ध सोन्यामध्ये केली जाते. जी कस्टोडियनच्या व्हॉल्टमध्ये ठेवली जाते.
भौतिक सोन्याला अनेकदा अशुद्धतेच्या समस्यांना तोंड द्यावे लागते. प्रत्यक्ष सोने खरेदी करण्यासाठी मेकिंग चार्जेस लागतात.
डिजिटल गोल्ड खाते 3% GST व्यतिरिक्त कोणत्याही खर्चाशिवाय मिळते. डिजिटल सोन्याची किंमत भारतभर सारखीच आहे, त्यामुळे तुम्ही संपूर्णपणे पारदर्शक, थेट बाजार दरांवर सोने ऑनलाइन खरेदी आणि विक्री करू शकता.
कोणत्याही कपातीचा सामना न करता तुम्हाला पाहिजे तेव्हा तुम्ही तुमचे सोने डिजिटल पद्धतीने प्लॅटफॉर्मवर परत विकू शकता. या फॉर्ममध्ये रिडीम केल्यास बहुतेक प्लॅटफॉर्म्स थोड्या किमतीत प्रत्यक्ष सोन्याच्या घरोघरी वितरणाचा लाभ देतात. याशिवाय, डिजिटल सोने प्रत्यक्ष सोन्यापेक्षा खूपच कमी रकमांमध्ये खरेदी करण्यास परवानगी देते.

डिजिटल सोने कागदी सोन्यापेक्षा वेगळे कसे आहे?

डिजीटल सोन्याचे वरीलपैकी बहुतेक फायदे गोल्ड ईटीएफ आणि गोल्ड फंड यांसारख्या गैर-भौतिक सोन्याचे इतर प्रकारात देखील घेतात.
डिजिटल सोन्यावर 3% GST एकवेळ आकारण्याशिवाय कोणतीही किंमत आकारली जात नाही. गोल्ड ETF आणि गोल्ड फंड या दोन्हींवर सुमारे 0.5-1% वार्षिक शुल्क आकारले जाते.
गोल्ड ईटीएफ प्रमाणे डिजिटल सोने खरेदी करण्यासाठी तुम्हाला डिमॅट खाते ठेवण्याची गरज नाही.
डिजिटल सोने एका वेळी अगदी कमी प्रमाणात खरेदी केले जाऊ शकते. बहुतेक प्लॅटफॉर्म तसेच तनिष्क आणि कल्याण ज्वेलर्स सारखे ज्वेलर्स, खरेदीदारांना 100 रुपयांपेक्षा कमी किमतीत डिजिटल सोने खरेदी करण्याची परवानगी देतात.
गोल्ड रिफायनर्स अगदी 1 रुपये किंवा 0.1 ग्रॅमच्या समतुल्य किमतीत खरेदी करण्याची परवानगी देतात. काही प्लॅटफॉर्म तुमची सोन्याची शिल्लक दुसऱ्या खात्यात ऑनलाइन ट्रान्सफर करण्याची सुविधा देतात. सोन्याची शिल्लक फक्त एकाच प्लॅटफॉर्मवरील खात्यांमध्ये हस्तांतरित केली जाऊ शकते.
डिजिटल सोन्याची प्रत्यक्षात विक्री करणार्‍या संस्था तुमच्या जमा झालेल्या सोन्याच्या संरक्षक म्हणून काम करतात,
तुम्ही प्रत्यक्ष खरेदी करा किंवा कोणत्याही भागीदार प्लॅटफॉर्मद्वारे खरेदी करा. व्हॉल्टच्या गुणवत्तेवर आणि ऑपरेशनवर देखरेख करण्यासाठी विश्वस्त नियुक्त केला जातो. कोणत्याही क्षणी तुमच्या जमा झालेल्या सोन्याची मालकी भागीदार सेवा प्रदाता किंवा संरक्षकाकडे हस्तांतरित होत नाही.
भौतिक सोने सुरक्षित व्हॉल्टमध्ये साठवले जाते आणि त्याचा कोणत्याही प्रसंगांसाठी पूर्णपणे विमा उतरवलेला असतो.
सध्या डिजिटल सोने थेट कोणत्याही नियामक संस्थेच्या अखत्यारीत नाही. त्यामुळे जोखमीचा एक घटक आहे कारण या नवीन क्षेत्राचे संचालन करण्यासाठी अद्याप नियम नाहीत. या उत्पादनाच्या वाढत्या लोकप्रियतेसह, व्हॉल्टमध्ये साठवलेल्या सोन्याचे प्रमाण देखील वेगाने वाढत आहे. तथापि सेबी लवकरच डिजिटल सोन्यासाठी नियम लागू करेल अशी अपेक्षा आहे.