You cannot copy content of this page

आरोग्य विमा खरेदी करण्याची 8 महत्वाची कारणे

0 1,608

Get real time updates directly on you device, subscribe now.

Print Friendly, PDF & Email

आज धावपळीच्या जीवनात आपण अनेक गोष्टींमध्ये व्यस्त असतो. या धावपळीच्या जीवनामुळे मधूमेह, कॅन्सर, हृदयविकार, अतिताण इ. अनेक आजार होऊ शकतात. वाढते शहरीकरण, वाढलेले प्रदूषण, अयोग्य व अवेळी जेवण हे देखील आज आपल्या आरोग्यासाठी घातक ठरत चालले आहे.

  • मागील काही वर्षांमध्ये आजारांच्या समस्येमध्ये देखील मोठ्या प्रमाणात वाढ होताना दिसत आहे. औषध उपचारांचा खर्च देखील आज लाखोंच्या घरात गेला आहे. त्यामुळे आज आपल्या बरोबर आपल्या कुटूंबाचा देखील आरोग्य विमा असणे ही गरजेची बाब झाली आहे.
  • कार विमा, मालमत्ता विमा इ. विम्यांबरोबर सर्वात महत्त्वाचा विमा असतो तो म्हणजे आरोग्य विमा.
  • आपण सोने, चांदी, जमीन, मालमत्ता यांच्यामध्ये लाखो रूपयांची गुंतवणूक करत असतो. मात्र आपल्यासाठी सर्वात महत्त्वाचे असणारे शरीर, आरोग्य यावर आपण काहीच गुंतवणूक करत नाही. आरोग्यासाठी केलेली गुंतवणूक ही सर्वोत्तम गुंतवूणक असल्याचे समजले जाते.
  • आरोग्यावर केलेली गुंतवणूक ही कधी फायदेशीर ठरेल सांगता येणार नाही. त्यामुळे आरोग्य विमा काढून, आपल्या आरोग्यासाठी उत्तम गुंतवणूक केली पाहिजे. त्या गुंतवणूकीचा आपल्याला भविष्यात देखील चांगला फायदा होतो.
  • आरोग्य विमा खरेदी करण्याची कारणे जाणून घेऊया.
  1. धावपळीचे आयुष्य व आजारपणात वाढ – आज आपण प्रत्येक जण यशस्वी होण्याचे मागे लागलो आहोत व यशस्वी होण्याच्या चढाओढीमध्ये आपण अनेकवेळा आपल्या आरोग्याकडे दृर्लक्ष करतो. सततचा प्रवास, बाहेरचे खाद्यपदार्थ, कमी झोप इ. अनेक कारणामुळे अनेक आजारात वाढ होत चालली आहे.  मधुमेह, कॅन्सर, स्वाईन फ्लू इ. अनेक आजार कधी होतील सांगता येत नाही. त्यामुळे आरोग्य विमा काढण्यासाठी ६० वर्षांचे होण्याची वाट का बघावी? योग्य वेळेत आरोग्य विमा काढणे कधीही फायदेशीर आहे.
  2. कमी वयात विमा घेणे फायदेशीर – २० वय असताना, आपल्याला आजारपण नसते. अशावेळेस आपल्याला आरोग्य विमा हा अनावश्यक वाटत असतो. मात्र २० ते २५ वर्षांचे असतानाच आरोग्य विमा घेणे अनेक वेळा फायदेशीर ठरते. कमी वयात विमा घेतल्याने विम्याचा हफ्ता कमी असतो. मात्र वय जास्त असताना त्याच विम्याचा हफ्ता अधिक भरावा लागू शकतो. त्यामुळे कधीही कमी वयात आरोग्य विमा घेणे कधीही चांगले.
  3. कॅार्पोरेट विमा पुरेसा नाही – आपण नोकरी करत असलेल्या कंपनीमार्फत देखील आरोग्य विमा प्रदान करण्यात येत असतो. मात्र प्रत्येक वेळेस तो विमा पुरेसा असेलच असे नाही. काही गंभीर आजार कंपनी विम्याच्या कक्षेमध्ये समाविष्ट केले जात नाहीत. तसेच नोकरी संपली अथवा बदलली तर कॅार्पोरेट विम्याची मुदत देखील समाप्त होत असते. अशावेळेस एक व्यक्तीगत विमा असणे गरजेचे असते.
  4. औषध-उपचारांचा वाढता खर्च – आज भारतासारख्या देशामध्ये औषध-उपचारांच्या खर्चामध्ये दुप्पटीने वाढ झाली आहे. सामान्य माणसाला अनेक मोठ्या आजारांवरील खर्च झेपतोच असे नाही. अशावेळेस कामाला येतो तो आरोग्य विमा! अडचणीच्या काळात लाखो रूपये एकदम भरणे शक्य नसते. अशावेळेस हॅास्पिटलचा खर्च, औषधांचा खर्च, तंत्रज्ञानाचा खर्च, अवयव प्रत्यारोपणाचा खर्च असे अनेक खर्च विम्याचा वापर करून पूर्ण केले जातात.
  5. भविष्यात फायदेशीर – आरोग्य विम्यामध्ये केलेली गुंतवणूक ही एकप्रकारे सुखरूप भविष्यासाठीच केलेली गुंतवणूक असते. आज आजारपणांमध्ये वाढ झाली आहे. त्यामुळे भविष्यात उद्भवणाऱ्या धोक्यांसाठी सुरूवातीपासूनच तयार असणे गरजेचे आहे. अनेक वेळा अडचणीच्या काळात आपल्याकडे पैसे नसतात. अशावेळेस आरोग्य विमा फायदेशीर ठरतो. विमा कंपन्या एकच विमा पॅालिसी जर अनेक वर्ष कायम ठेवली तर त्यावर लॅायलटी बोनस देखील देत असतात.
  6. आयकरामध्ये सवलत – भारतीय आयकर कायदा कलम ८० डी नुसार, आरोग्य विमा हा करसवलतीसाठी पात्र आहे. ६० वर्षाखालील व्यक्तीस  वैयक्तीक आरोग्य खर्चासाठी २५,००० रूपयांपर्यंत, तर ६० वर्षांवरील व्यक्तीस (ज्येष्ठ नागरिक) ६०,००० रूपयांपर्यंत करसवलत मिळते. तसेच ज्येष्ठ नागरिकांची विम्या अंतर्गत करण्यात आलेली आरोग्य तपासणी, औषध उपचार हे देखील करसवलतीसाठी पात्र आहेत.
  7. अन्य खर्च – हॅास्पिटलमधील खर्चाबरोबरच अनेक विमा कंपन्या, ॲम्ब्युलन्स खर्च, हॅास्पिटलच्या रूमचे भाडे, हॅास्पिटलमधील जेवणाचा खर्च, डे-केअर खर्च इ. गोष्टी देखील काही विमा योजना प्रदान करतात. विमा घेताना या गोष्टींची खात्री करून घ्यावी. निव्वळ विमा प्रतिनिधी सांगतो म्हणून आंधळेपणे या गोष्टींवर विश्वास ठेवू नये. योग्य आरोग्य विम्याची निवड करणे हे खूप आवश्यक आहे.
  8. वृध्द अवस्थेत महत्त्वपूर्ण – अनेक वेळा आपण बघतो की, जसजसे वय वाढत जाते तसे आजारपणामध्ये देखील वाढते. आई-वडील अथवा आजी-आजोबा यांच्या औषध-उपचारांसाठी आरोग्य विमा फायदेशीर ठरतो. प्रत्येक जण एकदिवस वृध्द  होणार आहे. त्यामुळे निवृत्ती नियोजनाची तरतूद करणे अत्यंत आवश्यक आहे. भविष्याची तरतूद आताच का करू नये?

हजारो रूपये आपण अनेक गोष्टींवर खर्च करतो. आरोग्य विमा घेऊन थोडासा खर्च जर आपल्या आरोग्यासाठी केला तर तो भविष्यात नक्कीच फायदेशीर ठरेल. त्यामुळे आरोग्य विमा नक्की घ्यावा.

आरोग्यम् धनसंपदा.. आरोग्य तपासणीकडे दुर्लक्ष नको! ,   आयुष्मान भारत योजना नक्की आहे तरी काय?,

आरोग्य आणि स्वास्थ्याच्या माध्यमांतून कर वजावटी देणारी कलमं

आपले मत किंवा माहितीचे इतर मुद्दे आम्हाला info@arthasakshar.com वर जरूर कळवा. अर्थसाक्षरचे नवनवीन लेख एका क्लिकवर मिळण्यासाठी 8208807919 हा नंबर ‘अर्थसाक्षर’ या नावाने सेव्ह करून  ह्या नंबरवर ‘Hi’ असा व्हॉट्सॅप मेसेज करा.)

Disclaimer:  आमच्या डिस्केलमर पॉलिसीजबद्दल जाणून घेण्यासाठी https://arthasakshar.com/disclaimer/  या लिंकवर क्लिक करा. आमचे इतर लेख वाचण्यासाठी क्लिक करा: https://arthasakshar.com/  | आमचे सर्व लेख मिळवण्यासाठी फॉलो करा : फेसबुक ट्विटर | Copyright © https://arthasakshar.com | All rights reserved.

Click to rate this post!
[Total: 0 Average: 0]

Get real time updates directly on you device, subscribe now.

Leave A Reply

Your email address will not be published.