फसव्या आर्थिक योजना कशा ओळखाव्यात?

फसव्या योजना कशा ओळखाव्यात या प्रश्नाचे उत्तर अगदी सोपे आहे. वर्तमानपत्र, दूरचित्रवाहिनी आणि इतर माध्यमांतून फसव्या योजनांची अनेक उदाहरणे दिली जातात. नेटवर्क मार्केटिंग पद्धतही फसव्या योजनेत वापरली जाते. 

• फसव्या योजनेत आकर्षक असा  १४-१५ टक्क्यांपेक्षा जास्त व्याजदर दिला जातो. अनेक वेळा कमी कालावधीत पैसे दुप्पट करून देण्याच्या योजनांना लोक भुलतात आणि त्यांची फसवणूक मोठ्या प्रमाणावर केली जाते. 
• सगळेजण गुंतवणूक करत असतात. ज्या गुंतवणुकीतून चांगला परतावा मिळतो, तिथे गुंतवणूकदार प्राधान्य देतात.
• आर्थिक गुंतवणूक करताना अनेक वेळा जास्त व्याजदराबाबत आमिष दाखवले जाते. मात्र यामागची सत्यता गुंतवणूकदाराने पडताळून पाहायला हवी. 
• आकर्षक परतावा देण्याच्या योजना चुकीच्या असू शकतात. जगातील कोणताही व्यक्ती स्वतःच नुकसान होऊन दुसऱ्याचा फायदा करून देत नाही. 

गुंतवणूक करताना काही गोष्टींची काळजी घेणे गरजेचे असते. त्या संबंधित योजनांची माहिती काढल्याशिवाय कोठेही गुंतवणूक करू नये. 

१. रोख व्यवहार – 

• फसव्या योजनानांमध्ये पैसे गुंतवत असताना रोख पैशाचे व्यवहार करा असा गुंतवणूकदारांना सल्ला दिला जातो. 
• रोख पैशाचे व्यवहार करण्यापेक्षा ऑनलाईन किंवा चेकच्या माध्यमातूनच व्यवहार करावेत. पुरावा म्हणून या दोन्हीला अधिकृत समजले जाते. 
• चेक आणि ऑनलाईन व्यवहार केल्यावर त्याची नोंद बँकेकडे राहते, त्यामुळे रोख व्यवहार करणे टाळायला हवे.

२. शेअर बाजारातून मिळणारा खात्रीशीर परतावा – 

• शेअर बाजारातून कोणीही खात्रीशीर परतावा मिळवून देऊ शकत नाही. त्यामुळे असे सांगणाऱ्यांच्या भूलथापांना बळी पडू नका. 
• शेअर बाजारातील इक्विटी मधून खात्रीशीर पुरावे मिळत असते तर सर्रास लोकांनी शेअर बाजारात गुंतवणूक करून पैसे कमवले असते. 
• शेअर ब्रोकर सोबतही व्यवहार करताना रोख व्यवहार करू नका. 

३. जोखीम – 

• कोणत्याही प्रकारची गुंतवणूक करण्याच्या आधी त्यात जोखीम किती आहे हे माहित करून घेणे गरजेचे असते. 
• फ्युचर अँड ऑप्शन्स प्रकारात गुंतवणूक करताना काळजी घेणे आवश्यक असते. 
• अशा कोणत्याही पर्यायात गुंतवणूक करण्याच्या आधी धोके पूर्णपणे समजून घ्यायला हवेत. 

४. सेबीअंतर्गत नोंदणी –

• कोणत्याही योजनेमध्ये गुंतवणूक करण्यापूर्वी संबंधित कंपनीची पूर्ण माहिती काढून ठेवावी. 
• गुंतवणूक करणारी संस्था सिक्युरिटीज अँड एक्स्चेंज बोर्ड ऑफ इंडिया या सरकारी नियामकाकडे नोंदणीकृत आहे का नाही याची माहिती काढावी.  नोंदणीकृत असेल तरच गुंतवणूक करताना खात्री बाळगली जाते. 

५. संपूर्ण माहिती – 

• आपण सर्वानी फिर हेरा फेरी हा चित्रपट आवर्जून पहिला असेल. त्यामध्ये बिपाशा बासूने अक्षयकुमार, सुनील शेट्टी आणि परेश रावल यांना फसवल्याचे आपण पहिले असेल. अशी लोक आपल्या आजूबाजूला असतात. 
• ज्या ठिकाणी गुंतवणूक करायची आहे त्या संस्थेची माहिती काढून खात्री करून घ्यावी. संबंधित योजनेची माहिती योग्य असल्यासच गुंतवणुकीचा विचार करावा. 
• गुंतवणुकीचे पर्याय योग्य प्रकारे समजून घ्यायला हवेत. गरज पडल्यास आर्थिक सल्लागाराचा सल्ला अवश्य घ्यावा. 

६. परतावा – 

• कोणतीही योजना फसवी असल्याचे सर्वात जास्त परतावा हेच पहिले लक्ष्य असते. 
• सरकारी योजनांपेक्षा जास्त परतावा देणाऱ्या योजनांमध्ये शक्यतो गुंतवणूक करू नये. जास्त परतावा देणाऱ्या योजनेवर विश्वासच ठेवू नये. 

निष्कर्ष – 

• शेअर बाजार किंवा इतर ठिकाणी जास्त परतावा देणाऱ्या कोणत्याही योजनेला भुलू नये. 
• गुंतवणूक करताना संबंधित योजनेची माहिती काढावी, खात्रीशीर वाटली तर गुंतवणूक करावी. गरज वाटली तर आर्थिक सल्लागाराचा सल्ला अवश्य घ्यावा.

Share this article on :