गृहकर्ज नामंजूर होण्याची कारणे
https://bit.ly/3nEgU6l
Reading Time: 2 minutes

गृहकर्ज नामंजूर होण्याची कारणे

“मला गृहकर्ज मिळेल का?” ही भिती अनेकांच्या मनात दिसून येते. गृहकर्ज नामंजूर होण्याची कारणे असू शकतात. कर्ज घेण्यासाठी लागणारी कागदपत्र आणि आर्थिक कुवत सिद्ध केल्याने लगेच कर्ज मंजूर होतेच असे नाही. कर्ज देणाऱ्या संस्थेद्वारे अर्जदाराच्या आर्थिक व सामाजिक भूतकाळाची, प्रतिमेची चौकशी व पडताळणी केली जाते. यामध्ये फक्त तुमच्या मागील वर्षांच्या पगाराच्या पावत्यांची किंवा विज आणि फोन बिलांचीच नाही तर इतर अनेक घटकांची नोंद घेतली जाते ज्याची आपल्याला कल्पना नसू शकते.

हे नक्की वाचा: गृहकर्जाची वेळेआधी परतफेड करण्यापूर्वी या ८ गोष्टींचा विचार करा

गृहकर्ज नामंजूर होण्याची ९ संभाव्य कारणे

1. थकबाकी-

  • कर्जदाराला कर्ज मंजूर करण्यासाठी सर्वात आधी कोणत्या गोष्टीचा विचार केला जात असेल, तर ती म्हणजे त्याची आर्थिक पार्श्वभूमी.
  • कोणत्याही प्रकारच्या कर्जाची व हप्त्यांची थकबाकी दिसून आल्यास तुम्हाला कर्ज न मिळण्याची शक्यता बळावते.  
  • ह्या अडचणीपासून स्वतःला दूर ठेवण्याचा उत्तम मार्ग म्हणजे प्रत्येक हप्ता/बिल अंतिम मुदतीच्या आत फेडणे.
  • वेळच्यावेळी परतफेड करण्याची सवय असल्यास आपला क्रेडिट स्कोअर आपोआप चांगला रहातो. यासाठी वेगळे काही करायची गरज भासत नाही.

2. इतर कर्ज-

  • तुमच्या नावावर आधीच इतरही कर्ज असल्यास त्याची पूर्ण परतफेड वजा करून उरणारी रक्कम हे तुमचं उत्पन्न समजलं जातं.
  • कर्ज देणाऱ्या संस्थेला जर या उत्पन्नावर तुम्ही नविन कर्ज घेण्यास अपात्र वाटलात तर तुम्हाला कर्ज नाकारले जाऊ शकते.

3. डिफॉल्टर यादीतील पत्ता-

  • जर तुम्ही घेत असलेली वास्तू ‘रिसेल’ असेल आणि घराच्या आधीच्या मालकाने काही बिलं चुकवली असतील, किंवा त्याच्या नावावर खूप मोठी थकबाकी असेल, तर ह्या घराचा पत्ता हा कर्ज देणाऱ्या संस्थांच्या डिफॉल्टर यादीत असण्याची शक्यता असते.
  • याचा परिणाम तुमच्या कर्जमंजूरीवर होऊ शकतो.

विशेष लेख: काय आहे गृहकर्ज टॉप अप?

4. नोकरीतील स्थैर्य-

  • वारंवार नोकरी बदलणे हे कर्ज मंजूर होण्याच्या दृष्टीने वाईट लक्षण आहे.
  • नोकरीतील स्थैर्याकडे महत्त्वाचा घटक म्हणून पाहिले जाते.
  • अर्जदार हा एखाद्या ठिकाणी कमीत-कमी तीन वर्ष तरी कार्यरत असावा असा बँकांचा विचार असतो.
  • तुम्ही ज्या ठिकाणी काम करता ती संस्था प्रतिष्ठित असली तरी तिचं आर्थिक स्थैर्यही बँकेच्या दृष्टीने महत्त्वाचं असतं.

5. वय-

  • तुम्ही निवृत्तीवयाच्या जवळ असाल, तर बँक तुम्हाला कर्ज देताना पुन्हा विचार करेल.
  • तुम्ही आत्ता कर्ज फेडू शकत असाल तरी काही वर्षांनीही परतफेड करू शकाल अशीही खात्री बँकांना असावी लागते.
  • पर्याय म्हणून तुम्हाला कमी कालावधीचं कर्ज मंजूर होऊ शकतं, पण अशा कर्जाचा हप्ता (EMI) अधिक असतो.

महत्वाचा लेख: गृहकर्ज – लवकर परतफेड की गुंतवणूक?

6. क्रेडिट स्कोअर-

  • चांगला/उच्च क्रेडिट स्कोअर कर्ज मंजूर होण्यात महत्त्वाची भूमिका बजावतो.
  • कर्जासाठी अर्ज करताना आपला क्रेडिट स्कोअर जरूर तपासावा. सिबिल (CIBIL) या संस्थेकडे आपल्या क्रेडिट स्कोअरची नोंद असते.

7. आयकर (Income Tax) –

  • तुमच्या एम्प्लॉयरकडून फॉर्म-१६ मिळो अथवा न मिळो, प्रत्येक आर्थिक वर्षाचा आयकर तुमच्याकडून भरला जाणे आवश्यक आहे.
  • कर्जासाठी अर्ज करताना मागील(किमान) दोन वर्षांपासून तरी तुम्ही आयकर सुरळीत भरलेला असणे गरजेचे असते.

8. सह्यांमधील फरक-

  • सह्यांमधील फरक ही वाटते तितकी छोटी गोष्ट नाही.
  • कर्जाच्या अर्जावरच्याच नाही, तर त्याबरोबर जोडलेल्या, आणि संलग्न बँकेत दिलेल्या कागदपत्रांवरच्याही सह्या जुळणे महत्त्वाचे आहे.

9. ना हरकत प्रमाणपत्र (NOC)-

  • नविन कर्ज घेताना जुन्या (पूर्ण परतफेड झालेल्या) कर्जावरील ना हरकत प्रमाणपत्र प्रदान करणे क्रमप्राप्त आहे.
  • कर्ज मंजूर न होण्याचे हे ही एक कारण ठरू शकते.

कर्ज नामंजूर होण्याची याशिवायही अनेक बारीक-सारीक कारणं असू शकतात, जी त्या-त्या अर्जदारावर, परिस्थितीवर अवलंबून असतात.

For suggestions queries – Contact us: [email protected] 

Subscribe our YOUTUBE Channel : CLICK HERE

 Download Arthasakshar App – CLICK HERE

Read – Disclaimer policies 

Web search: Home Loan Marathi, Home Loan Rejection Marathi Mahiti, Home Loan in Marathi

Share this article on :
Leave a Reply

Your email address will not be published. Required fields are marked *

You May Also Like

Cbl Score : या 10 मार्गानी वाढवा तुमचा सिबिल स्कोअर !

Reading Time: 2 minutes   सिबिल स्कोअरचे सध्याच्या काळात मोठे महत्व आहे. पैसे वाचवण्याचा प्रत्येक जण…

व्यवसाय कर्ज घेऊन आपण यशस्वी स्वप्ने कशी पूर्ण करू शकतो?

Reading Time: 3 minutes उद्योजकता हा भारताच्या आर्थिक विकासातील महत्वाचा घटक आहे. देशातील उद्योग धंदे वाढीस…

“आधी खरेदी मग पैसे द्या” पेक्षा क्रेडिट कार्ड पद्धत चांगली आहे का ?

Reading Time: 2 minutes “खरेदी करा आणि पैसे नंतर द्या” म्हणजेच Buy Now, Pay Later ही…

कर्ज घेताय? तुम्हाला कर्जामुळे निर्माण होणाऱ्या या 9 समस्या माहिती आहेत का?

Reading Time: 3 minutes थोडं कर्ज (Loan) घेतलं तर काही बिघडतं? लोक क्रेडिट कार्ड तसेच वैयक्तिक…