Digital Lending: तुम्ही डिजिटल सावकाराच्या जाळ्यात अडकलात तर नाही ना?

Reading Time: 3 minutes

Digital Lending

कर्ज देणारा आधुनिक प्रकार म्हणजे डिजिटल सावकार (Digital Lending). “इन्स्टंट लोन घ्या”, “२ मिनिटांत पैसे तुमच्या खात्यात जमा” असा मेसेज जवळपास सर्वांनाच येत असेल. ‘कर्ज काढणे’ ही कोणत्याच व्यक्तीची हौस नसते, तर ती गरज असते. कोणत्या तरी आर्थिक विवंचनेत अडकलेली व्यक्ती ज्याचं निराकरण निकटवर्तीयांपेक्षा आर्थिक संस्थेकडून करून घेण्याचा विचार करते आणि जेव्हा सर्व पर्यायांचा विचार करूनही जर त्या व्यक्तीला योग्य मार्ग सापडत नसेल, तर ती व्यक्ती मोबाईलमध्ये आलेले मेसेजेस तपासून एखाद्या लिंकवर ‘क्लिक’ करते. ही लिंक असते ‘डिजिटल सावकाराची !

हे नक्की वाचा: फ्लॅट व्याजदराच्या पडद्यामागची भामटेगिरी

Digital Lending: ‘डिजिटल सावकार’ म्हणजे काय?

  • ‘डिजिटल सावकार’ ही अशी मंडळी आहेत ज्यांनी दिसायला आकर्षक आणि वापरायला सोपी अशी वेबसाईट त्यांनी तयार केलेली असते किंवा मोबाईल अप्लिकेशनची सोय ग्राहकाला उपलब्ध करून दिलेली असते. 
  • काही मोजक्या प्रश्नांची उत्तरं देऊन तिथे गरजू व्यक्तींना कर्ज दिलं जातं. वेबसाईटपर्यंत आलेली व्यक्ती पटापट आपली सर्व माहिती तिथे भरते आणि काही वेळातच दिलेल्या बँक खात्यात पैसे येतात. 
  • पैसे तर आलेले असतात, पण त्यासोबतच एक ‘क्रेडिट खेळ’ सुद्धा सुरू झालेला असतो. ज्यामध्ये तुम्ही अडकत जाता.  या खेळात किती तरी जास्त पटीने व्याज देऊन तुम्ही ते कर्ज फेडत असतात. 
  • डिजिटल कर्ज घेणं हे आर्थिक दृष्टीने किती घातक असते हे अर्थतज्ज्ञ नेहमीच सांगत असतात. ‘डिजिटल सावकाराकडून कर्ज घेण्यात काय संभाव्य धोके असतात ? जाणून घेऊयात. 

Digital Lending: ‘डिजिटल सावकाराकडून कर्ज घेण्यात असणारे संभाव्य धोके 

१. रिझर्व्ह बँक प्रमाणित बँक:

  • कर्ज घेताना नेहमी बँक किंवा आर्थिक संस्थांकडूनच कर्ज घ्यावं, असा सल्ला आर्थिक सल्लागार नेहमीच देत असतात. कर्ज देणारी संस्था किंवा बँक रिझर्व्ह बँक ऑफ इंडिया प्रमाणित आहे किंवा नाही हे इंटरनेट वरून तपासणं सहज शक्य आहे. 
  • झटपट कर्ज देणाऱ्या संस्थेची गुगल रेटिंग, त्याबद्दल लोकांनी लिहिलेले अनुभव हे वाचण्यासाठी थोडा वेळ दिला, तर त्या संस्थेची कामाची पद्धत तुम्हाला कळू शकते. 
  • कर्ज देणे आणि त्याचा वेळेत किंवा त्याचा मुदतपूर्व परतावा करणे या प्रक्रियेत ती संस्था किती पारदर्शक आहे, हे तुम्हाला इतरांच्या अनुभवांवरून लगेच लक्षात येईल. 

२. वैयक्तिक माहितीची चोरी: 

  • बँकेतून कर्ज घेत असतांना जसं आपण कित्येक कागदांवर न वाचता सह्या करतो, तसं डिजिटल कर्ज घेत असतांना आपण कित्येक नियम न वाचता ‘Accept’ या पर्यायावर क्लिक करत असतो.
  • सरकारमान्य राष्ट्रीयकृत बँकांना तुमची वैयक्तिक माहिती गोपनीय ठेवणे बंधनकारक असतं. डिजिटल कर्ज देणाऱ्या कंपन्यांबद्दल अशी कोणतीही खात्री आपल्याला देता येत नाही. 
  • तुमच्या मोबाईलमधील संपर्क क्रमांक, फोटो हे कोणाच्या ताब्यात जातील हे आपण सांगू शकत नाही. 
  • सरकारी, खाजगी बँकांमध्ये नेहमीच होणाऱ्या ऑडिट मुळे अशी कोणतीही माहिती शिल्लक असल्यास ती नष्ट केली जाते. ‘डिजिटल सावकार’ असं काही करत असतील याची कोणीच ग्वाही देऊ शकत नाही.

विशेष लेख: झीरो कॉस्ट ईएमआय’ म्हणजे काय असतं रे भाऊ?

३. ऑफिसचा पत्ता असलाच पाहिजे: 

  • ज्या डिजिटल कंपनीमध्ये तुम्ही कर्जासाठी अर्ज करत आहात त्याचा ऑफिसचा पत्ता आहे की नाही, याची खात्री त्यांच्या वेबसाईटवरून किंवा गुगलवरून नक्की करून घ्या. 
  • पत्ता कुठेच दिलेला नसेल तर कर्ज घ्यायचं टाळा. 
  • तुमची माहिती गोळा करून ती विकण्यासाठी तयार केलेली ही एखादी खोटी कंपनी असू शकते. 
  • त्यांच्यावर कोणीही कायदेशीर कारवाई करू नये म्हणून त्या कंपनीने आपला पत्ता दिलेला नसावा.

४. प्रोसेसिंग फीस: 

  • डिजिटल कर्ज घेत असतांना कित्येक कंपनी प्रोसेसिंग फी च्या नावाखाली १०० ते ४०० रूपये इतकी रक्कम तुमच्याकडून घेत असते. 
  • पैसे भरण्यासाठी युपीआय सारखे सोपे पर्याय उपलब्ध असल्याने आपण ती रक्कम अदा करतो आणि अर्ज पूर्ण करतो. 
  • अधिकृत बँक ही कधीच तुमच्याकडून आधी पैसे घेत नसते. तुम्हाला दिलेल्या कर्जातून ही रक्कम वळवून घेण्याची बँकेची पद्धत असते.

५. गुगल प्ले स्टोअर: 

  • “आज कर्ज घ्या आणि १ महिन्यात कर्जाचा परतावा करा” अशी जाहिरात तुम्ही कदाचित वाचली असेल. 
  • गुगल प्लेस्टोअर मध्ये संबंधित कंपनीचं नाव, ॲप्लिकेशन आहे तपासून घ्या. 
  • गुगल वर लिस्टिंग करताना कमीतकमी ६० दिवस तरी परतफेड करण्याची मुदत असावी ही गुगलने निर्धारित करून दिलेली मर्यादा आहे. 
  • ग्राहकांकडून मिळलेल्या माहितीनुसार आणि इतर ग्राहकांची फसवणूक होऊ नये  म्हणून गुगलने ही सोय उपलब्ध करून दिली आहे. 

महत्वाचा लेख: कर्ज घेताय? मग लक्षात ठेवा या ५ महत्वाच्या गोष्टी 

डिजिटल पद्धतीने कर्ज देणाऱ्या वेबसाईट्स अथवा ॲप्लिकेशन दिसायला आकर्षक आणि वापरायला सोपे असतात. पण, पूर्ण माहिती काढल्याशिवाय आपले कोणतेही कागदपत्र अपलोड करु नये असा सल्ला अर्थतज्ज्ञ नेहमीच देत असतात. ही माहिती जास्तीत जास्त लोकांपर्यंत पोचवा आणि त्यांची फसवणूक होण्यापासून वाचवा. 

For suggestions queries – Contact us: info@arthasakshar.com 

Subscribe our YOUTUBE Channel : CLICK HERE

Download Arthasakshar App – CLICK HERE

Read – Disclaimer policies

Web search: Digital Lending in Marathi, Digital Lending Marathi Mahiti, Digital Lending mhanje kay?

Leave a Reply

Your email address will not be published. Required fields are marked *