Reading Time: 2 minutes

मागच्या भागात आपण विना भांडवल व्यवसायाच्या ५ पर्यायांची माहिती घेतली. या भागात आपण उर्वरित पर्यायांची माहिती घेऊया. 

    विनाभांडवल व्यवसायाचे स्मार्ट पर्याय – भाग १

विनाभांडवल व्यवसायाचे स्मार्ट पर्याय:

६. केटरिंग:

  • सध्याच्या काळातला भरपूर नफा मिळवून देणारा व्यवसाय म्हणजे केटरिंग. शिक्षण, नोकरी, ट्रेनिंग अशा अनेक कारणांनी घराबाहेर राहणाऱ्यांची संख्या वाढली आहे. रोज हॉटेलचं खाणं आरोग्य आणि खिसा दोघांनाही परवडणारं नाही. 
  • त्याचबरोबर व्यस्त जीवनशैलीमुळेही अनेक नोकरी करणाऱ्या स्त्रिया अशा प्रकारच्या डब्यांना पसंती देत आहेत. त्यामुळे घरगुती जेवणाच्या डब्याला खूप मोठ्या प्रमाणावर मागणी आहे. 
  • याचबरोबर इडली, उपमा, पोहे, साबुदाणा खिचडी, मिसळ, थालीपीठ, पराठे असे न्याहारीचे (breakfast) पदार्थ किंवा चकली, चिवडा, शंकरपाळे, लाडू अशा साठवणीच्या पदार्थानांही खूप मोठ्या प्रमाणावर मागणी असते. 
  • तसेच, सततच्या फास्ट फूडला कंटाळली पिढी त्यांच्या सतत चालणाऱ्या विकेंड ट्रिप्स, छोट्या छोट्या पार्टीज, गेट टुगेदर यासाठीही घरगुती खाद्यपदार्थांनाच पसंती देत आहेत. त्यामुळे यापैकी कुठलाही पर्याय निवडून तुम्ही तुमचा केटरिंगचा व्यवसाय सुरु करू शकता. 

७. फिटनेस क्लासेस:

  • जर तुम्हाला फिटनेसची आवड असेल तर योगा, एरोबिक्स, झुंबा अशा गोष्टी शिकून त्याचे क्लासेस सुरु करू शकता. अगदी लहान मुलांपासून मोठ्यांपर्यंत सर्वजण अशाप्रकारच्या फिटनेस क्लासेसला जाणं पसंत करतात. सध्या फिटनेसला असलेलं महत्व लक्षात घेता, अशाप्रकारचे क्लासेस चांगला पैसा मिळवून देऊ शकतात. 
  • याच्या जोडीला न्यूट्रिशन सल्लागारासाठी असणारा एक कोर्स करून तुम्ही न्यूट्रिशन सल्लागार म्हणूनही काम करू शकता. सध्या फिटनेस व डाएट या गोष्टींना प्रचंड महत्व आलं आहे. त्यामुळे या दोन्ही गोष्टी एका जागी उपलब्ध झाल्या तर त्याला मागणी येणारच. 

विशेष लेख: प्रायव्हेट लिमिटेड कंपनी, मर्यादित दायित्व भागीदारी (LLP) आणि भागीदारी संस्था

८. होममेड चॉकलेट व केक:

  • हा व्यवसाय केटरिंगचा भाग नाही. चॉकलेट आणि केक म्हटलं की आबालवृद्ध सर्वांच्याच तोंडाला पाणी सुटते. पण बाजारातील चॉकलेटपेक्षा वेगवेगळ्या आकारांचे चॉकलेट व केक वाढदिवसांपासून लग्न कार्यापर्यंत अनेक कार्यक्रमात लक्ष वेधून घेतात. चॉकलेट बुकेला तर प्रचंड मागणी आहे. 
  • त्यामुळे चॉकलेट व केक मेकिंगचा क्लास करून तुम्ही त्याचा व्यवसाय चालू करू शकता किंवा त्याचे क्लासेसही घेऊ शकता. दोन्ही मार्गानी उत्पन्न मिळवून देणारा हा एक अतिशय चटकदार पर्याय आहे. 

९. इंटेरिअर डेकोरेशन: 

  • अनेकांना याबद्दल उपजतच ज्ञान असतं. यासाठी खरंतर प्रोफेशनल कोर्सची गरज असतेच असं नाही. पण कोर्स केल्यास तुम्ही तुमची कला, कौशल्य अजून चांगल्या प्रकारे विकसित करू शकता. 
  • तसेच, कोर्स केल्यानंतर तुम्हाला या फिल्डसाठी कॉर्पोरेट क्षेत्राचे दरवाजेही उघडे होतील. नोकरी सांभाळून हा व्यवसाय करणं अवघड असलं तरी, अशक्य मात्र अजिबात नाही. हे काम तुम्ही ऑफिस सुटल्यावर अथवा सुट्टीच्या दिवशीही करू शकता.  

१०. कुकिंग क्लासेस:

  • जागतिकीकरणामुळे विविध ठिकाणच्या खाद्यसंस्कृतींनी भारतीय जेवणात स्थान मिळविले आहे. त्याचबरोबर  पुरणपोळी, साटोरी, वडा पाव, उकडीचे मोदक असे पदार्थ तर परदेशातही लोकप्रिय होत आहेत. 
  • त्यामुळे पारंपरिक, देशी, विदेशी अशा खाद्यपदार्थांचे क्लासेसही चांगलेच लोकप्रिय झाले आहेत. तुम्हला जर पाककलेची  आवड असेल तर असे क्लासेस तुम्ही सुरु करू शकता. 

विना भांडवल व्यवसायाचे असे अनेक पर्याय आपल्यासमोर आहेत. परंतु अनेक वेळा हे काय करायचं? असं म्हणून या छोट्या पण चांगला नफा मिळवून देणाऱ्या व्यवसायांकडे दुर्लक्ष करतो. मॅक्डोनल्ड, पिझ्झा हट, डॉमिनोज यासारख्या फूड चेन किंवा मॉन्जिनीजसारख्या केक शॉपनी आज भारतातल्या छोट्या शहरातही आपले जाळे पसरायला सुरुवात केली आहे. फिटनेस, न्यूट्रिशन या क्षेत्रांतील व्यक्तींना मोठमोठे सेलिब्रिटी विशेष मान देतात. ऋजुता दिवेकर यांनी याच क्षेत्रात काम करून स्वतःचं करिअर घडवलं आहे.

“कुठलंही काम सोपं नसतं आणि कमीपणाचंही नसतं.” जेव्हा ही गोष्ट तुम्हाला पटेल तेव्हा तुमच्या व्यावसायिक होण्याच्या स्वप्नपूर्तीचा प्रवास सुरु होईल. 

 

For suggestions queries – Contact us: [email protected] 

Subscribe our YOUTUBE Channel : CLICK HERE

 Download Arthasakshar App – CLICK HERE

Read – Disclaimer policies 

Share this article on :
You May Also Like

मुलींसाठी असणाऱ्या ‘या’ ४ सरकारी योजना तुम्हाला माहित आहेत का?

Reading Time: 2 minutes भारत सरकारने मुलींच्या भविष्यासाठी अनेक योजना जाहीर केलेल्या आहेत. मुलींचे शिक्षण आणि…

Cbl Score : या 10 मार्गानी वाढवा तुमचा सिबिल स्कोअर !

Reading Time: 2 minutes   सिबिल स्कोअरचे सध्याच्या काळात मोठे महत्व आहे. पैसे वाचवण्याचा प्रत्येक जण…

कंपन्यांचे प्रकार

Reading Time: 3 minutes कंपन्यांचे प्रकार भारतातील कंपन्यांचे त्यातील सभासद संख्येवरून तीन, त्यांच्या उत्तरादायित्वावरून तीन, विशेष…

Leave and license Agreement: भाडेकरार करताना लक्षात ठेवा या महत्वाचा गोष्टी

Reading Time: 3 minutes भाडेकरार कसा असावा याचा नमुना उपलब्ध असून त्यात परस्पर संमतीने काही बदल करता येतात. यात खालील गोष्टींचा उल्लेख असणे जरूर आहे.