शेअर ट्रेडिंग व्यवहार विरुद्ध गुंतवणूक

Reading Time: 2 minutes

शेअर ट्रेडिंग व्यवहार विरुद्ध गुंतवणूक

शेअर बाजारात (Stock Market) खरेदी-विक्री व्यवहार (Trading) आणि गुंतवणूक (Investment) हे दोन पर्याय प्रसिद्धआहेत. पैसे कमावण्याची ही दोन माध्यमे सामान्यतः पाहिली जातात. सर्वसाधारपणे  शेअर बाजाराच्या दुनियेत जे नवीनच असतात त्यांना यामधला मूलभूत फरक माहित नसतो. 

शेअर बाजार – गुंतवणूक निर्णयाचा पुनर्विचार?

  • साधारणतः एखादी व्यक्ती गुंतवणूक करताना सहज एक प्रयत्न म्हणून काही रक्कम गुंतवते.
  • भविष्यात त्या शेअरची किंमत वाढली की तो विकून फायदा करून घ्यायचाअसा आशावाद,हेच या प्रयत्नांमागचे मूळ कारण.
  • समजा अंदाज चुकून शेअरची किंमत कमी झाली, तर ते शेअर न विकता किंमत वाढण्याची वाट पाहतात आणि नुकसान झालेच, तर ते भरून काढण्यासाठी आणखी रक्कम गुंतवतात थोडक्यात पुन्हा नवा आशावाद!
  • अशा प्रकारे आधी गुंतवणूकदार बनण्याचे ठरवले नसतानाही काहीजण परिस्थिती किंवा नशिबाने गुंतवणूकदार बनतात.
  • व्यवहार आणि गुंतवणूक या दोन्हींसाठीही बाजाराचा नीट अभ्यास आणि कौशल्य या दोन्ही गोष्टी आवश्यक आहेत. व्यवहारामध्ये तांत्रिक गोष्टींचे ज्ञान असणे आवश्यक असते, तर गुंतवणुकीसाठी पायाभूत विश्लेषण जास्त उपयोगी ठरते.

Stock Market : शेअर बाजारातील वादळी काळात टिकण्यासाठी ५ गोल्डन टिप्स…

शेअर ट्रेडिंग व्यवहार विरुद्ध गुंतवणूक (Stock Trading Vs Investment)

शेअर्सचे व्यवहार(Trading

गुंतवणूक (Investment)

निर्णयाचा पाया

  • शेअर्सचे व्यवहार करताना तांत्रिक विश्लेषणाची (Technical Analysis) माहिती असणे आवश्यक आहे.
  • यामध्ये सध्याच्या बाजराची परिस्थिती समजून घेऊन त्यानुसार शेअर्सचे खरेदी-विक्रीबाबतचे निर्णय घ्यायचे असतात. 
 

  • गुंतवणुकीच्या दृष्टीने विचार करताना पायाभूत विश्लेषण (Value Investing) महत्वाचे असते.
  • गुंतवणूक करताना ज्या संस्थेच्या शेअर्समध्ये गुंतवणूक करायची आहे त्या कंपनीची सविस्तर माहिती, कंपनीच्या व्यवसायाबद्दलची माहिती अशा सर्व पायाभूत बाबी लक्षात घेतात. 

कालावधी

  • शेअर्स खरेदी-विक्रीचे व्यवहार (Trading) बाजारपेठेतील बदलानुसार घडत असतात.
  • खरेदी केलेल्या शेअर्सची किंमत वाढली की ते लगेच विकून कमी कालावधीतील नफ्याचा फायदा घेतला जातो.
  • याचे उत्तम उदाहरण म्हणजे जॉर्ज सोरोस, हे शेअर्स खरेदी करतात आणि किंमत वाढली की लगेच विकून टाकतात.
  • गुंतवणुकीच्या (Investment) बाबतीत मात्र हे अगदी उलट असते.
  • एखाद्या चांगल्या कंपनीमध्ये पैसे गुंतवून काही वर्षातील तिच्या प्रगतीनुसार तिच्या शेअर्सची किंमतही वाढत जाते.
  • याचे उत्तम उदाहरण म्हणजे वॉरेन बफेट, जे एखाद्या चांगल्या कंपनीमध्ये पैसे गुंतवून तिच्या प्रगतीसोबत आपल्या गुंतवणुकीचे वाढते मूल्य पाहून यशाचे भागीदार होतात.

फायदा आणि नफा

  • शेअर्सची खरेदी-विक्री ही फायदा पाहून केला जाणारा व्यवहार असतो.
  • खरेदी केलेले शेअर्स विक्री करताना त्याच्या वाढलेल्या किमतीच्या स्वरूपातून या दोन्ही किमतींमधील तफावतीचा फायदा उचलला जातो, शेअर्सच्या व्यवहाराचा हाच मूळ उद्देश असतो .
  • गुंतवणुकीचा विचार करताना मात्र नफ्याचा विचार केला जातो.
  • ज्या कंपनीच्या शेअर्समध्ये गुंतवणूक केलेली आहे त्या कंपनीला दिवसेंदिवस होणाऱ्या प्रगतीतून, नफ्यानुसार त्या शेअर्सचे मूल्यवर्धन होत असते.
  • नफा हाच मूळ उद्देश असतो.

गुंतवणूकदारांच्या ५ मूलभूत चुका…

  • वर दिलेल्या तक्त्यामध्ये आपण शेअर्सचे खरेदी-विक्री व्यवहार आणि गुंतवणूक या दोन्हींचा दृष्टिकोन, त्यासाठीची विचारसरणी आणि त्यानुसार घेतले जाणारे निर्णय यावर सविस्तर माहिती पाहिली.
  • दोन्ही प्रकारांपैकी कोणताही विचारात घ्यायचा म्हणाल तरी त्यासाठी शेअर बाजार म्हणजेच stock Market चा सविस्तर आणि व्यवस्थित अभ्यास करण्याची आवश्यकता असते.
  • शेअर बाजार (stock Market) संदर्भाची खाचाखोचा माहिती होण्याइतपत तुमचा योग्य अभ्यास असेल आणि त्यानुसार तुम्ही अंदाज बांधून घेतलेला निर्णय योग्य ठरले, तर यातून खूप चांगली आर्थिक प्रगती साधता येऊ शकते.
  • यामध्ये आणखी एका अत्यंत महत्वाच्या गोष्टीचा विचार केला गेलाच पाहिजे तो म्हणजे यासाठी तुम्हाला द्यावा लागणार वेळ.
  • तुम्ही तुमच्या रोजच्या वेळात किती वेळ शेअर्सच्या व्यवहारांसाठी देऊ शकता हे ठरवून त्यानुसार तुम्ही यापैकी योग्य त्या पर्यायांची निवड केली, तर ते तुमच्यासाठी केव्हाही जास्तच उपयुक्त ठरणार आहे.

 Download Arthasaksharr App – CLICK HERE

Read – Disclaimer policies 

Web Search- What is Trading & investment in Stock Market? Marathi info, Trading vs Investment in marathi

Click to rate this post!
[Total: 3 Average: 4.7]

Leave a Reply

Your email address will not be published. Required fields are marked *