Tax Saving Mistakes : कर बचत करत आहात? टाळा ‘या’ 10 सामान्य चुका 

Reading Time: 3 minutes

Tax Saving Mistakes 

आर्थिक वर्ष 2021-22 संपण्यासाठी अवघे काही दिवस शिल्लक असताना आपल्यापैकी काही करदाते शेवटच्या क्षणी कर वाचवू पाहत असतील. मूल्यांकन वर्ष (Assessment year) 2022-23 साठी कर-बचत गुंतवणूक करण्याची अंतिम मुदत 31 मार्च 2022 आहे. परंतु, आर्थिक वर्षाच्या शेवटच्या टप्प्यावर कर नियोजन पूर्ण करणे यात नक्कीच काही प्रमाणात जोखीम उद्भवू शकते. कर वाचवण्याच्या घाईत गुंतवणुकीचा चुकीचा निर्णय घेण्याची शक्यता जास्त असते. 

लक्षात ठेवा, कर लाभ हा एक fringe benefit (पैशाच्या स्वरूपात नसलेले फायदे ज्यावर कर लागत नाही) म्हणून पाहिला पाहिजे आणि एखाद्याने केवळ कर वाचवण्यासाठी गुंतवणूक करू नये. कर-बचत गुंतवणूक पर्याय निवडताना आपल्याकडून साध्या आणि सामान्य कर-बचत चुका घडू शकतात. येथे अशा काही चुकांचा उल्लेख केलेला आहे ज्यांची दखल करदाते घेऊ शकतात. 

हेही वाचा – Budget 2022 and Income Tax : हे आहेत यंदाच्या अर्थसंकल्पात आयकरात केलेले बदल…

 

१) नवीन कर प्रणालीचा विचार न करणे

2022-23 च्या मूल्यांकन वर्षासाठी, इन्कम टॅक्स रिटर्न भरताना करदात्यांना alternate पर्याय उपलब्ध आहे. विद्यमान किंवा जुन्या कर प्रणाली व्यतिरिक्त, सवलतीच्या दरांवर, नवीन कर प्रणाली अंतर्गत करदाता ITR दाखल करू शकतो. म्हणून, एक करदाता म्हणून कर नियोजनाच्या कार्यवाहीपूर्वी दोन्ही कर प्रणाली (tax regime) अंतर्गत कर व्यवस्थेची गणना करणे आवश्यक आहे.

२) गरजांच्या खर्चांचा आढावा न घेणे 

तुम्ही जुन्या कर प्रणालीनुसार जाण्याचे ठरवल्यास, तुम्हाला निवडण्यासाठी अनेक कर-बचत(टॅक्स सेविंग्स) पर्याय उपलब्ध आहेत. परंतु, तुम्ही कोणताही टॅक्स सेव्हर निवडण्यापूर्वी तुमच्‍या सध्याच्या टॅक्स सेविंग्स commitments पैकी किती पर्याय या नवीन आर्थिक वर्षाच्या करबचतीसाठी पात्र आहेत हे आधी तपासा. लाइफ इन्शुरन्स, आरोग्य विमा आणि तुमचे पीएफ योगदान यांचा प्रीमियम तुम्हाला आता किती भरायचा आहे याचाही अंदाज विचारात घेणे आवश्यक आहे. नवीन टॅक्स सेव्हर प्लॅन खरेदी करण्याची किंवा आवश्यकतेपेक्षा जास्त गुंतवणूक करण्याची चूक करू नका.

३) कलम 80D आणि इतर पर्यायांकडे दुर्लक्ष करणे

कलम 80 कर बचत गुंतवणुकीच्या पर्यायांव्यतिरिक्त, कर वाचवण्याचे इतर काही मार्ग आहेत. तुमचा आरोग्य विमा प्रीमियम कलम 80D अंतर्गत कर-वजावटीसाठी पात्र ठरतो. तसेच, कलम 24 अंतर्गत, तुमची गृहकर्जाची मूळ परतफेड कर लाभासाठी पात्र ठरते. ITR भरताना या कर तरतुदींचा जरूर वापर करा आणि लाभ घ्या.

 

४) करबचतीचे चुकीचे पाऊल उचलणे 

घाईघाईत करबचतीचे पर्याय निवडल्याने तुमच्या उद्दिष्टाशी एकरूप न होणाऱ्या चुकीच्या गुंतवणुकीत तुमचा निधी अडकू शकतो. उदाहरणार्थ, तुम्ही सुमारे पाच वर्षांच्या उद्दिष्टासाठी युलिपमध्ये (Ulip) गुंतवणूक करण्यास सुरुवात केल्यास, त्याचे फायदे अल्पकाळात फलदायी नसतील. त्याचप्रमाणे, जर तुम्हाला दीर्घ मुदतीसाठी संपत्ती निर्माण करायची असेल आणि 5 वर्षांची कर-बचत बँक FD किंवा NSC सोबत जाण्याचा पर्याय तुम्ही निवडला असेल, तर करबचतीचे उद्दिष्ट साध्य होणार नाही.

५) अलीकडील कामगिरीवर आधारित ELSS निवडणे

अनेक करदाते ELSS च्या अलीकडील कामगिरीच्या आधारावर ELSS मध्ये गुंतवणूक करतात, ज्यावर कलम 80C अंतर्गत कर लाभ मिळतो. काही रिसर्च मधून असे दिसून आले आहे की या आताच्या अग्रगण्य स्कीम्स पुढील वर्षात टॉपला राहतीलच असे नाही. त्यामुळे, निव्वळ आज दिसणाऱ्या कामगिरीवर म्युच्यअल फ़ंड निवडण्याची चूक करू नका, योग्य ELSS निवडताना त्याच्या दीर्घकालीन कामगिरीकडे लक्ष द्या.

हेही वाचा – Smart Ways To Save Taxes: कर वाचविण्याचे ८ सोपे आणि कायदेशीर मार्ग…

 

६) बचतीची ध्येये निश्चित नसणे 

पीपीएफ, युलिप्स, जीवन विमा इत्यादी बहुतेक कर बचत गुंतवणुका दीर्घकालीन असतात. जर तुम्ही त्यापैकी कोणत्याही एकामध्ये गुंतवणूक करत असाल तर केवळ कर वाचवण्यासाठी पैसे टाकण्याची चूक करू नका. टॅक्स सेविंग गुंतवणुकीला दीर्घकालीन उद्दिष्टाशी जोडून घ्या आणि ध्येय गाठण्यापूर्वी मध्येच अर्ध्यावरून बाहेर पडू नका. जरी ELSS तीन वर्षांच्या सर्वात कमी लॉक-इन कालावधीसह येत असले तरी, ते तुमच्या दीर्घकालीन उद्दिष्टाशी लिंक करा. लॉक-इन संपल्यानंतर तुम्ही ELSS फंड सुरू ठेवू शकता.

७) जोखीमांकडे दुर्लक्ष करणे

तुम्ही कर वाचवत असतानाही, असेही टॅक्स सेव्हर्स आहेत जे तुम्हाला कराचा बोजा कमी करण्यास मदत करतात आणि त्याचप्रमाणे संरक्षण देखील देऊ शकतात. मुदत विमा योजना आणि आरोग्य विमा योजनांसाठी भरलेला प्रीमियम वर तुम्हाला टॅक्स बेनिफिट मिळतो. तुमच्या आवश्यक गरजांचा आधी अंदाज घ्या आणि नंतर कुटुंबातील सर्व सदस्यांसाठी जीवन आणि आरोग्य विषयीच्या जोखमींची काळजी घेण्यासाठी मुदत विमा योजना आणि आरोग्य विमा खरेदी करा.

८) गुंतवणुकीत विविधता नसणे 

तुम्ही कर वाचवत असताना, गुंतवणुकीचे केंद्रीकरण करू नका आणि फक्त एकाच मालमत्ता वर्गात गुंतवणूक करू नका. कमी काळासाठी असणाऱ्या उद्दिष्टांसाठी, कर लाभ मिळणारी FD किंवा NSC हा पर्याय योग्य असू शकतो तर सेवानिवृत्ती सारख्या दीर्घ काळाच्या उद्दिष्टांसाठी, NPS, Ulips किंवा ELSS सारखे पर्याय योग्य ठरू शकतात.  मालमत्तेतील विविधीकरणामुळे अपेक्षित उद्दिष्टे पूर्ण करण्यासाठी जोखीम नियंत्रणात ठेवण्यास मदत होईल.

९) ELSS मध्ये SIP

आजकाल SIP द्वारे गुंतवणूक करणे ही गुंतवणुकीची लोकप्रिय पद्धत बनली आहे. परंतु, जर तुम्ही ELSS मध्ये गुंतवणूक करून कर वाचवण्याचा विचार करत असाल, तर लक्षात ठेवा की प्रत्येक SIP हप्त्याचा लॉक-इन कालावधी 36 महिन्यांचा असतो. तसेच, मार्चमध्ये सुरू केलेली एसआयपी तुम्हाला चालू आर्थिक वर्षासाठी कर बचत करण्यात फारशी मदत करणार नाही.

१०) गृहकर्जाच्या मुद्दलाचे प्री-पेमेंट विचारात न घेणे 

जर तुम्ही आर्थिक वर्ष 2021-22 मध्ये तुमच्या गृहकर्जाची मूळ रक्कम परत केली असेल, तर त्यावर कर लाभ घेण्यास विसरू नका. EMI मधील मुद्दल कलम 80C अंतर्गत कर लाभासाठी पात्र ठरते, तर गृहकर्जाचे भरलेले व्याज कलम 24 अंतर्गत कर लाभासाठी पात्र ठरते. 

हेही वाचा Income Tax Portal : आयकर विभागाकडून नव्या पोर्टलची निर्मिती…

 

सारांश – 

या अशा सामान्य चुका टाळून तुम्ही तुमच्या कष्टाच्या पैशांवर नक्कीच कर बचत करू शकता. 

For suggestions queries – Contact us: info@arthasakshar.com 

Subscribe our YOUTUBE Channel : CLICK HERE

Download Arthasakshar App – CLICK HERE

Read – Disclaimer policies

Leave a Reply

Your email address will not be published.

error: Content is protected !!