John C. Bogle
John C. Bogle
Reading Time: 3 minutes

John C. Bogle Quote

अमेरिकन इन्वेस्टमेंटच्या जगतातील एक सुप्रसिद्ध नाव म्हणजे जॉन बोगल. ते व्हॅन्गार्ड ग्रुप (Vanguard Group) या कंपनीचे संस्थापक आणि मुख्य कार्यकारी अधिकारी होते. पहिला इंडेक्स फंड तयार करण्याचे श्रेय जॉन यांना दिले जाते. ते स्वत: एक उत्तम  गुंतवणूकदार आणि मनी मॅनेजर तर होतेच. शिवाय लोकांनी सट्टेबाजीवर पैसा न उधळता गुंतवणुकीचा अवलंब करावा असा प्रचारही त्यांनी केला. जॉन परोपकारीही होते, व्हॅन्गार्डमध्ये कार्यरत असताना त्यांनी नियमितपणे ब्लेअर अकादमी आणि प्रिन्स्टन या धर्मादाय संस्थांना आपला अर्धा पगार दिला. त्यांनी इन्वेस्टमेंटसंदर्भात दिलेले गुरुमंत्र बरेच जण फॉलो करतात. जॉन बोगल यांची इन्वेस्टमेंट संदर्भात आपल्याला उपयुक्त ठरतील अशी काही प्रसिद्ध विधाने आपण पाहू. 

हेही वाचा – Charlie Munger : कोण आहेत गुंतवणूक तपस्वी चार्ली मुंगर ? 

 

१) “विविधता(Diversification): “गवताच्या गंजीमध्ये सुई शोधू नका. फक्त गवताची गंजी विकत घ्या.”

अर्थ – जर तुम्हाला स्टॉक रिसर्च आवडत नसेल, किंवा तुम्ही गुंतवणुकीसाठी नवीन असाल आणि तुम्हाला किमान प्रयत्न करण्याची इच्छा असेल, तर फक्त कमी किमतीचे इंडेक्स फंड खरेदी करा. 

२) “गुंतवणूक करणे दिसते तितके अवघड नाही. यशस्वी गुंतवणुकीत काही गोष्टी बरोबर करणे आणि गंभीर चुका टाळणे अपेक्षित असते.”

अर्थ – जॉन म्हणतात की, माझ्या अनेक वर्षांच्या गुंतवणुकीपासून आणि इतरांना प्रशिक्षण देण्यापासून, मी पाहिलेली सर्वात मोठी चूक लोक करतात ती म्हणजे त्यांची रणनीती जास्त गुंतागुंतीची आखणे. मी म्हणेन की ती खूप सोपी ठेवा!. 

३) “वेळ तुमचा मित्र आहे; आवेग तुमचा शत्रू आहे.”

अर्थ – अनेक दशकांच्या दीर्घकालीन दृष्टीकोनासह गुंतवणूक करा. दीर्घ मुदतीसाठी मजबूत व्यवसाय/इंडेक्स फंड धरा त्यामुळे तुम्ही इतरांपेक्षा चांगली प्रगती कराल.

४) “जिथे रिटर्नचा प्रश्न आहे, तिथे वेळ तुमचा मित्र आहे. पण जिथे खर्चाचा प्रश्न आहे तिथे वेळ तुमचा शत्रू आहे.”

अर्थ – चक्रवाढ व्याज ही एक सुंदर गोष्ट आहे; परंतु प्रत्येक वेळी नाही. विशेषतः जर तुमच्याकडे कर्ज असेल तर अशा वेळी ते  तुमच्या विरुद्ध काम करेल. 

५) “जर तुम्हाला स्टॉक मार्केटमध्ये 20% नुकसानीची कल्पना करण्यात अडचण येत असेल तर तुम्ही स्टॉकमध्ये नसावे”

अर्थ – जर तुम्ही भूतकाळात परत जाऊ शकता आणि गेल्या 5 वर्षातील सर्वोत्तम कामगिरी करणारे स्टॉक्स तुम्ही निवडले तर तुमच्या पोर्टफोलिओमध्ये 40% घसरण होईल. अस्थिरता ही उच्च परताव्याची किंमत आहे.

६) “फंड गुंतवणुकदारांना विश्वास असतो की ते सहजपणे वरिष्ठ फंड व्यवस्थापक निवडू शकतात. पण ते चुकीचे आहेत.”

अर्थ – तुम्ही एखाद्या फंडात गुंतवणूक करणार असाल तर त्याला निष्क्रिय बनवा. बहुतेक सक्रिय व्यवस्थापक निष्क्रिय निधीला मागे टाकण्यात अपयशी ठरतात.

७) “दररोज शिका, परंतु विशेषतः इतरांच्या अनुभवांमधून. कारण ते स्वस्त आहे!”

अर्थ – तुम्हाला जिथे यश मिळवायचे आहे तिथे जे यशस्वी झाले त्यांचा अभ्यास करा. जर एखाद्याचे पुस्तक तुम्हाला ३० मिनिटांत शिकवू शकत असेल तर स्वतः अनुभव घेऊन तीच गोष्ट शिकायला तुम्हाला ५ वर्षे लागतील जे तुम्हाला महागात पडू शकते. 

८) “कोणत्याही  गुंतवणूकदाराने, जर त्याने शेअर बाजार विसरून त्याच्या लाभांश परताव्यावर आणि त्याच्या कंपन्यांच्या ऑपरेटिंग रिझल्ट्स कडे लक्ष दिले तर ते त्याच्या जास्त हिताचे ठरेल.”

अर्थ – एखाद्या गोष्टीत मास्टरी मिळवण्यासाठी वेळ लागतो, परंतु नेहमी मूलभूत गोष्टींना चिकटून रहा!

९) “सरतेशेवटी, गुंतवणूक म्हणजेच मार्केट असं मानून चालू नका. गुंतवणुकीचा अर्थ व्यवसायांद्वारे मिळणाऱ्या परताव्याचा आनंद घेणे होय.”

अर्थ – तुम्ही हे कधीही विसरू नका की, गुंतवणूक म्हणजे एखाद्या कंपनीमध्ये काही ठराविक भागांची मालकी खरेदी करणे होय. तुमच्या दीर्घकालीन विश्वासाला पात्र ठरेल अशाच कंपनीची निवड करा.

१०) “भविष्यासाठी माझा सर्वात मोठा अंदाज असा आहे की लोक वैयक्तिक गुंतवणूकदारांकडे अधिक लक्ष देणे सुरू करतील.“

अर्थ – जॉन यांच्या या विधानात तथ्य आहे, कारण आज किरकोळ गुंतवणूकदारांसाठी गुंतवणूक नेहमीपेक्षा अधिक सुलभ आणि स्वस्त आहे!

११) “शेअर बाजार हा गुंतवणुकीच्या व्यवसायासाठी एक मोठा लक्ष विचलित करणारा घटक आहे.”

अर्थ – टिकर चिन्हे, दैनंदिन हालचाली, लेख आणि माहिती या गोष्टींमुळे तुम्ही प्रथम गुंतवणूक का करत आहात यावरून तुमचे लक्ष विचलित होऊ देऊ नका. तुमच्या धोरणाला चिकटून राहा आणि गोंधळाकडे दुर्लक्ष करा!

१२) “त्यांच्या भूतकाळातील कामगिरीवर आधारित फंड खरेदी करणे ही गुंतवणूक करतानाच्या सर्वात मूर्ख गोष्टींपैकी एक आहे.”

अर्थ – भूतकाळात त्या फंडनी का चांगली कामगिरी केली आणि भविष्यात ते चांगली कामगिरी करतील का हे समजून घेणे आवश्यक आहे. केवळ चार्टच्या हिस्टरी वर अवलंबून राहणे निरर्थक आहे.

हेही वाचा – Warren Buffett Quotes : वाचा.. वॉरेन बफेट यांची गुंतवणूक आणि बचतीची 20 प्रसिद्ध विधाने

जॉन बोगल यांची ही विधाने गुंतवणुकीच्या मार्गावर असणाऱ्या किंवा नव्याने गुंतवणूक करू इच्छिणाऱ्यांसाठी नक्कीच मार्गदर्शन करणारी आहेत. 

For suggestions queries – Contact us: info@arthasakshar.com 

Subscribe our YOUTUBE Channel : CLICK HERE

Download Arthasakshar App – CLICK HERE

Read – Disclaimer policies 

Share this article on :
Leave a Reply

Your email address will not be published. Required fields are marked *

You May Also Like

MRF चा शेअर्स महाग आहे असे तुम्हाला वाटत असेल तर हा लेख नक्की वाचा !

Reading Time: 3 minutes MRF म्हटले की आपल्या डोळ्यासमोर विराट कोहलीची जाहिरात येते. भारतीय उद्योग क्षेत्रातील…

मार्केट कधी पडणार?

Reading Time: 3 minutes अस्थिरता हा बाजाराचा स्थायीभाव आहे. गेले काही दिवस मार्केट निर्देशांक नवनवे उच्चांक…

पी व्ही सुब्रमण्यम यांच्याशी बातचीत भाग 3

Reading Time: 5 minutes असा एक प्रश्न आहे की आम्ही मुंबईत 1बीएचके घर घेऊ इच्छितो आमच्याकडे…

वॉरेन बफेट यांनी दिलेले गुंतवणूकीचे धडे !

Reading Time: 2 minutes अर्थविश्वातील गुंतवणूकीमधील बाराखडीचे गुरु म्हणजे वॉरेन बफेट यांचे नाव घेतले जाते. वॉरेन बफेट हे नाव, त्यांचे गुंतवणूकीचे ज्ञान आणि शेअर बाजारातील अनुभवांचे…