retirement planning
retirement planning
Reading Time: 3 minutes

Retirement Planning : पालकांच्या निवृत्तीनंतर करायचे आर्थिक नियोजन

गुंतवणूकीचे किंवा बचतीचे महत्व आजकाल सर्वच जण जाणून आहेत. भविष्यामध्ये आपल्या रिटायरमेंट नंतर आर्थिक अडचण जाणवू नये त्यासाठी आत्तापासूनच बचत करणे गरजेचे बनले आहे. परंतु याबरोबरच आपल्या पालकांना त्यांच्या रिटायरमेंट नंतर काही आर्थिक अडचण तर नाही ना हे पाहणे देखील तेवढेच महत्वाचे आहे.

आपल्या आई वडिलांना त्यांच्या आयुष्याच्या उत्तरार्धादात आनंदाने , बिना परिश्रमाचे, निरोगी आयुष्य जगता यावे याची जबाबदारी ही मुलांची असते. कारण मूलं लहान असताना त्यांचे पालनपोषण, शिक्षण, उच्चशिक्षण अशा आर्थिक गरजा पूर्ण करता करता त्यांना स्व:तच्या  रिटायरमेंट नंतरच्या आयुष्यासाठी  बचत करायला जमले असेलच हे सांगता येत नाही. जर पालकांनी बचत किंवा गुंतवणूक करून ठेवली असेल तर ती बचत त्यांना पुरेशी आहे का  नाही ते बघणे हे त्यांच्या मुलाचे/ मुलीचे कर्तव्य आहे.

म्हातारपणात आपण आर्थिक गोष्टींसाठी कोणावरही अवलंबून राहता कामा नये असे प्रत्येक ज्येष्ठ नागरिकाला वाटत असते. त्यासाठी बरेच जण आधीच आर्थिक तजवीज देखील करून ठेवतात परंतु काही जणांना आर्थिक तजवीज करणे शक्य होत नाही. अशावेळेस त्यांच्या मुलांना स्वतःच्या आर्थिक जबाबदारी बरोबरच पालकांची आर्थिक जबाबदारी घ्यावी लागते. पालकांची आर्थिक जबाबदारी घेताना स्वतःच्या आर्थिक भविष्यासाठी देखील बचत करणे या सर्व गोष्टी मॅनेज करणे गरजेचे असते. कारण पालकांची आर्थिक जबाबदारी तसेच आपल्या  स्व:तच्या  रिटायरमेंट नंतर साठी आर्थिक बचत या दोन्ही गोष्टी गरजेच्या आहेत.

हेही वाचा – Rule of 4% – यशस्वी निवृत्तिनियोजसाठी ४% चा नियम…

या दोन्ही गोष्टी व्यवस्थित मॅनेज करण्यासाठी तुम्ही खालील गोष्टींकडे लक्ष दिले पाहिजे:

  • पालकांची आर्थिक स्थिती जाणून घ्या-   रिटायरमेंट नंतर पालक जर त्यांच्या मुलांबरोबर राहत असतील तर त्यांच्या मुलांना पालकांच्या आर्थिक स्थितीची माहिती असते. परंतु मुलांच्या लग्नानंतर किंवा दुसऱ्या शहरातील वास्तव्यामुळे काही पालक रिटायरमेंट नंतर आपल्या मुलांसोबत राहत नसतील तर अशा स्थितीमध्ये त्यांच्या मुलांना त्यांच्या आर्थिक स्थिती बद्दल माहिती असणे आवश्यक असते. कदाचित पालकांना आर्थिक गोष्टींबद्दल उघडपणे बोलणे अवघड जात असू शकते म्हणून याबाबतीत मुलांनी पालकांशी मोकळेपणाने संवाद साधला पाहिजे. पालकांकडे कोणता उत्पन्नाचा स्त्रोत आहे का? हे बघितले पाहिजे. तसेच त्यांच्या दैनंदिन खर्च, वैद्यकीय खर्च, कर्जाची परतफेड यामध्ये पालकांना काही आर्थिक अडचण भासत नाहीना ते बघावे त्यांना किती आर्थिक सहाय्याची आवश्यकता आहे याचे विश्लेषण करावे.

  • आर्थिक नियोजन करावे – पालकांच्या आर्थिक जबाबदारी बरोबर तुमच्या ही आर्थिक जबाबदारी असतात. तुम्ही विवाहित असाल तर कौटुंबिक  खर्चासाठी, तुमच्या मुलांच्या शिक्षणासाठी इतर अनेक गोष्टींसाठी लागणारा खर्च तसेच पालकांना लागणारी आर्थिक मदत या सर्वांचेआर्थिक नियोजन केल्यामुळे भविष्यातील स्वत:च्या आर्थिक सुरक्षिततेसाठी व रिटायरमेंट नंतर लागणाऱ्या बचतीकडेही लक्ष देण्यास मदत होते.

  • आरोग्य विम्यामध्ये गुंतवणूक करणे-  वैद्यकीय सेवा दिवसेंदिवस महाग होत चालली आहे म्हणून पालकांचा आरोग्य विमा तर महत्त्वाचा आहेच परंतु त्याबरोबरच कुटुंबातील इतर सदस्यांचा आरोग्य विमा असणे देखील गरजेचे आहे त्यामुळे भविष्यात कधी मेडिकल इमर्जन्सी असेल तर आर्थिक ताण भासत नाही.

  • इमर्जन्सी फंड तयार करणे – कोणत्याही अनपेक्षीत घटनेसाठी आधीपासूनच आर्थिक रित्या तयारीत असणे हे जबाबदारीचे लक्षण आहे. आजच्या महागाईच्या काळात एक साधी शस्त्रक्रिया देखील तुमची किंवा तुमच्या पालकांची सेवानिवृत्तसाठीची बचत संपवू शकते. म्हणून अशा परिस्थितीमध्ये इमर्जन्सी फंड असेल तर  कोणतीही अनपेक्षित घटना तुमच्या आर्थिक नियोजनावर जास्त परिणाम करू शकत नाही.

  • अनावश्यक खर्च कसा टाळता येईल ते पाहणे – पालकांनी त्यांच्या रिटायरमेंट नंतर साठी बचत केली असेल व त्यांची आर्थिक जबाबदारी पालक स्वतः घेत असतील तर अशा वेळेस तुम्ही त्यांना आर्थिक नियोजनात देखील मदत करू शकता. म्हणजे जर त्यांच्याकडून काही अनावश्यक खर्च होत असेल तर तो खर्च कसा कमी होईल हे त्यांना समजावून देऊन त्यांचा आर्थिक खर्च कमी करण्यास तुम्ही मदत करू शकता.

हेही वाचा – Brand: तुम्ही ब्रँडेड वस्तू खरेदी करता? मग हे नक्की वाचा……

लक्षात ठेवा पालकांच्या रिटायरमेंट नंतर त्यांची आर्थिक जबाबदारी घेताना स्वतःच्या रिटायरमेंट नंतरील आर्थिक भविष्याचा विचार करणे हेदेखील तितकेच जरुरीचे आहे. रिटायरमेंट नंतर लागणाऱ्या आर्थिक गरजेसाठी प्लॅनिंग करणे महत्त्वाचे आहे. नाहीतर तुम्हाला तुमच्या मुलांवर आर्थिक दृष्ट्या  अवलंबून राहण्याची वेळ येऊ शकते. यासाठी तुम्हाला तुमच्या रिटायरमेंट नंतर च्या काळासाठी आत्तापासूनच गुंतवणूक व बचत करणे याकडेही लक्ष दिले पाहिजे.

For suggestions queries – Contact us: info@arthasakshar.com 

Subscribe our YOUTUBE Channel : CLICK HERE

Download Arthasakshar App – CLICK HERE

Read – Disclaimer policies 

Share this article on :
Leave a Reply

Your email address will not be published. Required fields are marked *

You May Also Like

खाजगी कौटुंबिक न्यास

Reading Time: 3 minutes आर्थिक नियोजनाच्या बाबतीत करबचत Tax Savings करण्याचे जे मार्ग आहेत त्यात हिंदू…

बी.कॉम. नंतरचे १० करिअर पर्याय

Reading Time: 5 minutes बी.कॉम. नंतरचे करिअर… ग्रॅज्युएट झाल्यावर चांगल्या करिअरसाठी पुढचे शिक्षण घेणे आवश्यक असते. ग्रॅज्युएशन…

बी.ए. नंतरचे सर्वोत्तम करिअर पर्याय

Reading Time: 4 minutes बी.ए. नंतरचे करिअर पर्याय  ग्रॅज्युएशननंतर करिअरचे कोणकोणते पर्याय उपलब्ध असतात याबद्दलची माहिती…

सहलीचे नियोजन करताना लक्षात ठेवा या ७ महत्वाच्या गोष्टी

Reading Time: 3 minutes सहल म्हटलं की आठवते ती शाळेची बस, ते मित्र-मैत्रिणी आणि शाळेचे हवेहवेसे वाटणारे दिवस! या कल्पना त्याकाळीही खूप आनंददायी वाटायच्या. हल्ली मात्र सहलीच्या कल्पना बदलल्या आहेत. हल्ली ट्रीपसाठी बाहेर पडायचं म्हणजे व्यवस्थित नियोजन करणे आवश्यक आहे. आपल्या सहलीची ठिकाणे, सोबतीला लागणारे साहित्य, खाण्याचे पदार्थ वगैरे वगैरे. योग्य नियोजन नसेल, तर अचानक येणा-़या अडचणींमुळे सहलीचा आनंद घेता येत नाही. सहलीच्या नियोजनासाठी काही महत्त्वाच्या टिप्स –