एसआयपी (SIP)
आजच्या लेखात आपण म्युच्युअल फंडच्या एसआयपी म्हणजेच Systematic Investment Plan (SIP) योजनेबद्दल माहिती घेणार आहोत. स्मार्टफोनच्या जमान्यात गुंतवणूकदारही गुंतवणुकीच्या स्मार्ट आधुनिक पर्यायांना पसंती देत आहेत. पारंपरिक गुंतवणुकीतून मिळणारे लाभ व कालावधी याचा विचार करता उत्तम परतावा व वेळेची लवचिकता देणाऱ्या गुंतवणूकीच्या आधुनिक पर्यायांची लोकप्रियता सध्या वाढू लागली आहे. शेअर्स, बॉण्ड्स, स्टॉक अशा अनेक पर्यायांना मागे टाकत गुंतवणूकदार म्युच्युअल फंड गुंतवणुकीला जास्त पसंती देत आहेत.
म्युच्युअल फंड म्हणजे काय?
- साध्या आणि सोप्या भाषेत सांगायचे तर म्युच्युअल फंड म्हणजे समान गुंतवणुकीचे उद्दिष्ट असणाऱ्या असंख्य गुंतवणूकदरांचे पैसे सामायीकपणे एकत्र करून, ते पैसे फंड व्यवस्थाकांमार्फत विविध प्रकारचे शेअर्स, कर्जरोखे, इ. अशा वेगवेगळ्या ठिकाणी गुंतवले जातात. अशा प्रकारे केलेल्या गुंतवणुकीतून मिळालेली मिळकत लाभांश, भांडवली वृद्धी अशा स्वरुपात असते.
- गुंतवणुकदाराला त्याच्या गुंतवणुकीच्या प्रमाणात परतावा मिळतो.
SIP: एसआयपी (Systematic Investment Plan)
- सध्या एसआयपी या म्युच्युअल फंडच्या प्रकाराकडे गुंतवणूकदारांचा कल वाढताना दिसत आहे.
- कोणत्याही एका फंडामध्ये संपूर्ण रक्कम एकदम गुंताविण्यापेक्षा ठराविक कालावधीत थोडी-थोडी रक्कम गुंतवणे जास्त सोईस्कर आणि कमी जोखमीचे वाटते. त्यामुळेच गुंतवणूकदार अनेक नामांकित कंपन्यांचे विविध प्रकारच्या म्युच्युअल फंडांचे युनिट्स एसआयपी च्या माध्यमातून खरेदी करत आहेत. याच कारणामुळे आधुनिक गुंतवणुकीच्या पर्यायांमध्ये एसआयपी ला (SIP) जास्त पसंती दिली जात आहे.
- एआयपी गुंतवणूक ही शिस्तबद्ध व लवचिक असते. तसेच ही गुंतवणूक ठराविक कालावधीत करता येत असल्याने गुंतवणूकदारांना मासिक, त्रैमासिक, सहामाही अशा कालावधीमध्ये फंडामध्ये रक्कम भरता येते. त्यामुळे भविष्यात बाजाराच्या चढ – उताराचा फायदा घेवून मोठी गुंतवणूक करणं सहज शक्य होऊ शकते.
- यामध्ये जर नियमितपणे रक्कम गुंतवली तर आपली आर्थिक उद्दिष्टे सध्या होण्यास मदत होवू शकते असे तज्ञांचे मत आहे.
- आजकाल बाजारात विविध कंपन्यांचे फंड उपलब्ध आहेत. तसेच, सध्या विविध क्षेत्रातील एसआयपी फंड प्रकार उपलब्ध आहेत. त्यापैकी तज्ञांच्या मार्गदर्शनाने योग्य तो प्रकार निवडून आपल्या शक्य तेवढी रक्कम यामध्ये गुंतवण्यास सुरुवात करावी.
SIP: एसआयपीचे फायदे
१. तज्ज्ञांची मदत:
म्युच्युअल फंड अथवा एसआयपी मध्ये गुंतवणूक करताना मार्केटचा थोडाफार अभ्यास करून गुंतवणूक करणे सहज शक्य आहे. म्युच्युअल फंड गुंतवणूक नेहमी फंड मॅनेजर करत असतात. या फंड मॅनेजर्सना मार्केटची व भांडवली बाजाराची संपूर्ण जाण असते. आपली रक्कम योग्य प्रकारे गुंतवणे हे त्या फंड मॅनेजर / कंपनीचे काम असते. त्यामुळे आपली रक्कम सुरक्षित ठिकाणी गुंतवली जाते.
२. कमीत कमी जोखीम:
म्युच्युअल फंडबद्दल असणाऱ्या गैरसमाजांपैकी एक म्हणजे अनेकांना असं वाटतं की खूप मोठी रक्कम गुंतवावी लागेल. पण एसआयपी मध्ये मात्र तुम्ही कमी कमी (रु. ५००/-प्रतिमाह ) रक्कम गुंतवूनही उत्तम परतावा मिळवू शकता. अनेकदा बचत करून मोठी रक्कम गुंतवणे कठीण जाते. तसेच ते जोखमीचेही असते. पण एसआयपी मध्ये गुंतवलेली लहान रक्कमही चांगला परतावा देते. ज्यांना शेअर बाजारात थेट गुंतवणुकीची जोखीम घ्यायची नाही परंतु बाजाराचा चढ-उताराचा फायदा घ्यायचा आहे त्यांचासाठी म्युच्युअल फंड मधील गुंतवणूक सोयीस्कर ठरू शकते.
३. गुंतवणूकीचे स्वरूप:
यामध्ये विविध प्रकारचा व विविध क्षेत्रातील गुंतवणूक एकत्र केलेल्या असतात. त्यामुळे आपण कोणत्याही एकाच क्षेत्रावर अवलंबून रहात नाही. तसेच मार्केटच्या बदलणाऱ्या परिस्थितीचा फायदा घेता येतो.
४. कालावधी आणि लवचिकता:
जर काही कारणांनी म्युच्युअल फंड मधील गुंतवणूक थांबवायची असेल तर आपण ते त्वरित करू शकतो. आपल्या फंडची एनएव्ही (NV) जितकी असेल त्या किमतीचा आणि आपल्याकडील फंड युनिट्सचा गुणाकार केल्यावर जे उत्तर येईल त्यानुसार आपल्या फंडचे मुल्यांकन केले जाते. यामध्ये विविध कर, कमिशन वजा करून आपणास उर्वरित रक्कम त्वरित मिळवता येते.
५. पारदर्शी गुंतवणूक:
एसआयपी अथवा म्युच्युअल फंडमधील गुंतवणूक ही पारदर्शी गुंतवणूक असते. यामध्ये आपल्या गुंतवणुकीचे मुल्य आपणास हवे तेव्हा कळू शकते. तसेच फंड व्यवस्थापक कोणकोणत्या क्षेत्रात गुंतवणूक करत आहे यावरही आपल्याला लक्ष ठेवता येते.
६. गुंतवणुकीचा निश्चित कालावधी:
यामध्ये जास्त रक्कम गुंतवावी लागत नाही व कालावधीही आपल्या सोयीनुसार निश्चित करता येतो. तसेच यामधून मिळणाऱ्या लाभामुळे भविष्यात मोठी गुंतवणूक करता येणं सहज शक्य होऊ शकते.
अशाप्रकारे एसआयपी गुंतवणुकीचे अनेक फायदे आहेत. त्यामुळे गुंतवणुकीचा विचार करत असाल तर आपल्या लिस्टमध्ये एसआयपी चा पर्याय नक्की ॲड करा आणि स्मार्ट गुंतवणूक करून स्मार्ट गुंतवणूकदार बना.
उत्तम परतावा आणि करबचतीचा पर्याय – ईएलएसएस, भारतीय स्टॉक एक्स्चेंज आता जर्मनीपेक्षाही सरस ,
चक्रवाढ व्याजाची जादू , मूल्य आधारित गुंतवणूक – समृद्धीचा महामार्ग
For suggestions queries – Contact us: [email protected]
Subscribe our YOUTUBE Channel : CLICK HERE
Download Arthasakshar App – CLICK HERE
Read – Disclaimer policies
web search: SIP in Marathi, SIP Marathi Mahiti, SIP investment in Marathi, SIP Investment Marathi Mahiti, SIP investment Marathi, SIP investment mhanje kay, Mutual Fund SIP in Marathi, Mutual Fund SIP Marathi Mahiti, Mutual Fund SIP Marathi
1 comment